Қабарлар

1. 24 январьда 2009 чылда Томазақта шор чон-қалықтың Ассоциациян чӧпи чыылған. Ол чӧпте кӧп сурағлардың ӱчӱн эрбек полған: қайде 2008 чылда Ассоциация иштеген, қайдығ шедиктер ааң алында турғаннар. Ревизионная комиссия айтқан қайдығ керектерге спонсорлар перген 1 миллион салковай. «Междуречье» ОАО паза «Распадская угольная компания» ақчаны шор Ассоциацияға пергеннер. Эрткен чылда Ассоциация кӧп керектер иштепсалған полтур. 2009 чылда эдоқ кӧп тоғыш иштепсаларға керек.

2. Апрель айда 2009 чылда Москвада Севердың, Сибирьдың паза Дальний Востоктың ас кижилиг чоннардьщ улуғ чыылыжы полар. Ол чыылышқа шор чон –қалықтың 12 делегаттар парарлар.

3. Аба-Тураның «Шория» пириктиргени (ааң председатели Н.М. Печенина) — Кемеров областиң чақшызы пириктиргени, эрткен чылда орта миллион, салковай пос керектеринге тилепсалған. Ол ақчаға четти улуғ керектер иштепсалтыр.

4. Май айда 2009 чылда Томазақта Советский Союзының Геройға Михаил Куюковқа памятник турғусаларлар. По улуғ керекти Шор Ассоциацияның президенти Е.А. Бекренев пажады. Пистиң Ассоциациябыс ақчаны тилепча. Памятникты пӱдӱрсаларға кӧп ақча керек — 1 миллион салковай, анаң аара парчын кижидең ақчаны эдоқ алчалар.

5. 2009 чылда Шорияда кӧп юбилейлер полар. Кӱскӱде Аба-тураның ӱргедигчи академияның шор тилиниң анаң литератураның кафердраға 20 чыл полар, «Аба-Тура» шор культур центрға он чыл полар, қышқыда паза часқыда Суғаразы-тураның «Туған чер» газетаға — 15 чыл, «Чедыген» ансамбльға — 10 чыл, «Чаш Қанат» ансамбльға 5 чыл полар.

Л. И. Чульжанова