Қайде ол пажалды
09.03.2016
Битва богатыря Алып Қусқуна с Шемельдейкой
09.03.2016
Показать все

Меең черлерим — улуғ черлер!

Меең черлерим — улуғ черлер!
Кӧк тегриге қынапкел ӧскен,
Ӱш ашқымнығ
Тегри-Тиш тайға турча.
Тегри-Тиш тайға паштарында
Кӧк ӧлең
чай тооза
қурубаан ӧсча.
Тегри-Тиш тайға сыннарында
Ақ қар
чыл сайа
қайылбаан чаттурча.
Тегри-Тиш тайға пеллеринде
Қара сағыштарыбыс
тудулбаан эртча.
Тегри-Тиш тайғаның тӧзӱнде,
По чашқа тоозулбас
қара суғ ақча.
Тегри-Тиш тайғаның тӧзӱнде,
По чашка ӱзӱлбес
шор-қалығым турча.

Любовь Арбачакова

1 Comment

  1. Cheap Jordans:

    Exactly how is usually Continue. fm not for this listing... also, look into tuberadio. com daaah, as the headline affirms: alternatives to thomas sabo in addition to LASTFM idiot!

    Cheap Jordans

Добавить комментарий

Share This