Қайде ол пажалды

8-12 июнь айда 1999 чылда Абакан турада Хакасияның писательлер союзынға 50 чыл полпарғанына чарыдылған Межрегиональный семинар-совещание пасчыған кижилер Сибирьдиӊ, эрткен. Ол семинарға келдилер делегациялар Бурятиядаӊ, Алтайдаӊ, Тувадаӊ, Саха-Якутиядаӊ, Эвенкиядаӊ паза пистиӊ чердеӊ Тағлығ Шориядаӊ, Москвадаӊ. Пистиӊ делегацияда чети кижи полду: председатель шор пасчылар организацияныӊ Л.И. Чульжанова, Л.Н. Арбачакова, Г.В. Косточаков, В.Е. Таннагашев, Т.В. Тудегешева, В.П. Борискин паза С.Г. Тенешев. Семинар иштеди Хакасияныӊ писательлер союзы (Г.Г. Казачинова) паза Хакасияныӊ пропаганды художественной литературы бюро (Ю.Н. Забелин).

Россияныӊ писательлер союзынаӊ полғаннар: сопредседатель В.В. Сорокин (ол Горький адынаӊ литература институтыӊ проректоры полған ол темде), секретарьлар М.М. Числов, В.И. Чукреев, В.А. Чалмаев, литконсультант М.В. Зубавина.

Почти он чыл зртпарды ол темнеӊ, но амда санапчам қайде чақшы писти кӧрдӱлер. Писти чаттырсалдылар «Хакасэнерго» АО-ныӊ шикарный гостиницада. Қачан мен санағам, что чиш чиим Правителствоның столовайда, эрбектежем культура министрба, пасчыған кижилербе, аттығ-шаптығ пасчыларба, кер-сӧсчӱларба?

Обедке тӧӧнче семинарлар полған, соонда культуралығ программы. Пис полбалдыбыс «Кӱнниғ» профилакторийда, Краеведение музейде, Саянский аллюминиевый заводта, Саянский фольгада, Саяно-Шушенский ГЭС-та, этнография комплекста «Салбык», хакас «Тун-Пайрамда».

Пис, шор кижилер, кӧп чооқташтыбыс пашқа тил кижибе. Пистиӊ қалықтаӊ шор кижидең, пашқа қалық кӧп уңнавалдылар. Пистиң делегация танышсалды кӧп чақшы кижилербе. Ол Казачинова Галина Григорьевна, Хакасияның писательлер союзының  председатель, Котожеков Александр Иванович, писатель, актер, қаастачы. Мағат кӱлӱк кижи. Мен полдум ааң мастерскойунда, кӧрдӱм ааӊ библиотекасыӊ. Анда уникальный номлар.

Юрий Николаевич Забелин,  бюро пропаганды художественной литературы директоры. Ол кижини парчазы кӧӧлендилер. Мен аны «человек-ртуть» айтқам. Парчын черде ол парводурған керек темде, тын ӱнме айтқан ам ноо полар, қайаға парабыс. И еще кӧп чақшы кижилербе танышсалдыбыс. Мағат чақшы кер-сӧстер айтқан Есугей Сындуев Бурятиядаӊ. Пистиң кер-сӧсчи Татьяна Тудегешева эдоқ мағат кер-сӧстерди айтқан и делегация Москвадаң аны кӧӧленимистилер.

Парчылардың айдарға кӧп тем керек. Абаканда Россияның писательлер союзынға одус кижи принятьэткеннер, пистиң чердең ӱш кижини. Ол В.Е. Таннагашев, Т.В. Тудегешева и В.П. Борискин.

В. П. Борискин